UVIÉU 26 Nov. (EUROPA PRESS) -
Dende esti miércoles 27 y hasta'l vienres 29 van celebrase na Universidá d'Uviéu les xornaes científiques titulaes 'Una revisión de la variación xeolectal del asturianu'. Trátase d'un congresu especializáu sobre l'estáu y perspectives de los estudios sobre les variedaes xeográfiques del asturianu, a la lluz de les conocencies y metodoloxíes nueves.
La conferencia inaugural va impartila'l profesor Gotzon Aurrekoetxea, de la Universidá del País Vascu, reconocíu especialista en dialectometría y clasificación dialectal. La conferencia de clausura va impartila la profesora Pilar García Mouton, del Conseyu Superior d'Investigaciones Científiques (CSIC), una autoridá en dialectoloxía y estudios sobre l'Atlas Lingüístico de la Península Ibérica.
A lo llargo de les xornaes van intervenir especialistes de les Universidaes d'Uviéu, Berlín (Alemaña), Lisboa (Portugal) y Isles Baleares, que van falar sobre temes dialectolóxicos d'Asturies, Colombia, Miranda del Douro, Mallorca y otros llugares.
El congresu organícenlu'l Seminariu de Filoloxía Asturiana, los Departamentos de Filoloxía Española y de Filoloxía Románica y Clásica, col apoyu d'Estensión Universitaria y la Conseyería de Cultura del Principáu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
