UVIÉU 26 Dic. (EUROPA PRESS) -
La Xunta pola Defensa de la Llingua Asturiana (XDLA) denunció esti xueves que nel borrador de la baremación de les oposiciones de reposición n'Educación Secundaria, que va entamar el Gobiernu del Principáu d'Asturies l'añu que vien, valoren más el conocimientu de llingües como catalán o vascu que l'asturianu.
Según indicaron al traviés de nota de prensa, les certificaciones d'asturianu van cuntar nun apartáu que valora formación en xeneral con 0,25, ensin importar el nivel, mentes que'l C1 de llingües estranxeres como l'inglés o'l francés y otres del Estáu como'l catalán o'l euskera, "nenguna oficial n'Asturies", recuerden, tienen un apartáu propiu que va sumar 0,5.
Unes condiciones que pa la XDLA son "mui negatives pa col asturianu", que supón que la Conseyería d'Educación "considere l'asturianu una llingua de segunda" y que les sos propies titulaciones "son de menos calidá que les otres".
"Esiximos una rectificación al Gobiernu primero de qu'esti baremu salga a la lluz pa que nun sía otru casu de minorización y minusvaloración del asturianu. Si nun dan marcha atrás, van tener qu'esplicanos el porqué d'esta discriminación", sentenciaron.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
