LA XDLA propón el doblaxe n'asturianu d'una película d'animación

Europa Press Asturias
Actualizado: jueves, 6 marzo 2014 11:25
@epasturias


UVIÉU, 6 Mar. (EUROPA PRESS) -

La Xunta pola Defensa de la Llingua Asturiana (XDLA) propunxo a la Dirección Xeneral de Política Llingüística y a Televisión del Principáu d'Asturies (TPA) que collaboren nel doblaxe n'asturianu d'una película d'animación protagonizada por un personaxe del cómic, pa emitir coincidiendo cola 35 edición de la Selmana de les Lletres, que ta dedicada al cómic asturianu.

Al traviés d'una nota de prensa, la Xunta esplica que la Forta, na que ta integrada la TPA, tien los derechos d'emisión de los siete películes d'animación que protagonizó Astérix.

Nun ye la única posibilidá nesti xéneru, según recuerden, porque la cadena de televisión asturiana tamién podría escoyer ente doce películes de Shin-Chan, 15 de Dragon Ball, 17 de Doraemón y ocho del detective Conan.

Pa XDLA faise necesaria una programación infantil en TPA y espliquen que se trata de la única cadena europea d'una comunidá billingüe que nun emite programación pa los más pequeños na llingua propia, dalgo que supon "incumplir los mandatos llegales".

Asturianu ofrecido por