XIXÓN, 16 Abr. (EUROPA PRESS) -
La XV edición de la 'Primer Sidre l'Añu' va abrir les sos puertes esti xueves, nel recintu ferial xixonés 'Luis Adaro', con un "ambiciosu" programa que va desenvolvese hasta'l próximu domingu 20, y qu'inclúi actividaes musicales, culturales, sidreres y d'ociu.
Según una nota de prensa de los organizadores, nel eventu podrá probase la nueva collecha de decenes de llagares, tantu echaos en barra como en toneles, a llibre disposición de los asistentes, que van entrar previu pagu de diez euros por tola xornada -de 12.00 a 21.30 hores y el domingu hasta les 18.00 hores-.
"La Primer Sidre l'Añu ye un de los pocos eventos declaraos de raigañu Social pol Conceyu Xixón, col que s'entama la temporada sidrera asturiana, recoyendo la tradición d'abrir toneles y probar la sidra nueva cola llegada de la Selmana Santa", espliquen.
Amás de sidra, los asistentes van poder ver y practicar deportes y xuegos tradicionales, esfrutar de la música y bailles, probar variedaes de sidra asturiana ya internacional, xugar a deportes tradicionales, tastiar Alimentos del Paraísu, facer sidra dulce, aprender a echala, participar nos concursos y munches otres actividaes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
