UVIÉU 30 Oct. (EUROPA PRESS) -
La Xunta de Portavoces de la Xunta Xeneral del Principáu d'Asturies, en sesión celebrada'l día 30 d'ochobre, y por alcuerdu de tolos Grupos Parllamentarios de la Cámara, aprobó una Declaración mostrando la so solidaridá y apoyu a los afectaos poles llenes nel Llevante español, sobre too na Comunidá Valenciana.
"Los datos dramáticos que conocemos evidencian la magnitú de la catástrofe vivida y la urxente necesidá de volcanos coles persones y los territorios afectaos colos medios disponibles pa collaborar na busca y rescate de los desaparecíos y na posterior ayuda a les víctimes", indica la declaración.
Asina, al traviés de la mesma la Xunta Xeneral del Principáu d'Asturies tresllada'l so pésame y dolor a les families y allegaos de los finaos, mostrándo-yos la so cercanía y más sentíu pesar y llamentando tamién el restu de daños.
Amás, el parllamentu asturianu muestra la so voluntá y compromisu pa que les instituciones asturianes espleguen tolos esfuercios y medios pa collaborar coles instituciones del territoriu y del conxuntu del Estáu na busca y rescate de los desaparecíos y no que resulte d'utilidá p'atender a los afectaos y les sos necesidaes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
