BILBO 16 Abr. (EUROPA PRESS) -
Bermeoko Udalak (Bizkaia) Aritzatxu hondartzako kantinaren eta komunen emakida administratiboa esleitzeko pozesua jarri du martxan, eta proposamenak maiatzaren 13ra arte aurkez daitezke, Berhaz bulegoan edo Bermeoko Udaleko kontratatzailearen profilean.
Bermeoko Udaleko iturriek prentsa ohar bidez jakinarazi dutenez, emakida lehiaketa bidez esleituko da, eta irizpideak batzuk hartuko dira kontuan ustiapena ahalik eta kalitate-prezio onenean egin dadin.
Horrela, lehenik eta behin, eskaintza ekonomikoa hartuko da kontuan, eta hautagaien gutxieneko eskaintza 300 eurokoa izan beharko da. Era berean, emakidaren objektu diren espazio eta lokalen mantenu eta garbiketa programa baloratuko da, bai eta hondartza dinamizatzeko plana eta proiektuak inguruarekiko duen errespetua ere.
Emakidak urtebeteko iraupena izango du, bi aldi kontuan izanik: 2025eko ekainaren 1etik 2025eko irailaren 30era, eta 2026ko martxoaren 28tik apirilaren 12ra (Aste Santua).
Aritzatxu hondartzako kantinak 12 metro koadro ditu, komun bakoitzak sei metro koadro (bi daude) eta terrazak 30 metro koadro. Informazio guztia Bermeoko Udalaren webgunean aurki daiteke.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
