Bilboko Aste Nagusiko 25. Hiri Krosean izena emateko epea ireki dute

BILBO, 19 (EUROPA PRESS)

Bilboko Aste Nagusiko Hiri Krosean izena emateko epea ireki due astelehen honetan, eta kategoria bakoitzeko kupoa betetzen denean bukatuko da. www.herrikrosa.eus/Euskera/informacion_hiri_krosa_e.asp web orrian egin behar da izen-ematea, Bilboko Konpartse Federaziotik jakinarazi dutenez.

Asfaltoko lasterketa herrikoi eta federatuaren 25. edizioa izango da aurtengoa, eta abuztuaren 25ean izango da, Aste Nagusiaren egun handian, Areatzan hasi eta bukatuta. Nahi duen guztiak parte har dezake, doan, sorterria edozein dela ere, eta federatua egon ala ez.

Edonola ere, aurretiaz izena eman eta dortsala hartu beharra dago derrigorrez, kategoria guztietan. Bost kategoria egongo dira, bakoitza bere ordutegi, ibilbide eta sariekin, eta kronometrajerako txipa izango duen dortsala erabiliko da.

Izena eman ondoren, dortsalak jasotzeko aukera egongo da uztailaren 3, 4, 5 eta 6an, 11:00etatik 13:00etara eta 18:00etatik 20:00etara, 10, 11, 12 eta 13an, 11:00etatik 13:00etara, eta 8an, 11:00etatik 13:00etara, Bilboko Konpartsen lokalean.

Lasterketaren egunean bertan ere jasotzeko aukera ere egongo da, 11:30etik 15:00ak arte, Bilboko Areatzan. Hala ere, azken orduko jende pilaketak ekiditeko, dortsala lasterketa eguna baino lehenago jasotzea eskertuko lukete antolatzaileek. Jaso ez diren dortsalak ez dira banatuko.