BILBO 22 Dic. (EUROPA PRESS) -
Bilboko Udala 'Infobilbao' argitalpenaren liburuxka berria banatzen hasi da aste honetan postontzietan, eta irisgarritasun unibertsalaren eta oztopo arkitektonikoak ezabatzearen alde daukan konpromisoa erakusten du bertan, hirian martxan dauden 72 igogailu publikoei buruzko informazioa emanez, barrutika.
Horrez gain, Bilboko Udalak jakinarazi duenez, eraikitzen ari diren igogailuen berri ere ematen du, esaterako, Moncadakoa (Errekalde), Zurbaranbarriko biak, Harrobi plazaren eta Kontzezio kalearen artekoa (San Frantzisko), San Adrianekoa (Urretxindorra ikastolaren ondoan) eta Masustegiko igogailu inklinatua.
Era berean, Santutxuko Fika eta Iturribide kaleen artean laster eraikitzen hasiko diren bat eta proiektua onartuta duten eta lizitazioan dauden Lezeaga ingurukoa (Masustegui) eta San Joakim etxaldekoa aipatzen ditu.
Guztira, liburuxkaren 150.000 aleko tirada egin da, eta etxeetako postontzietan, udaltegietan, kiroldegietan, liburutegietan eta hiriko bestelako ekipamendu publikoetan banatuko da. PDF formatuan ere deskarga daiteke, bilbao.eus webgunetik.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
