BILBO, 22 (EUROPA PRESS)
Bilboko Udalak Ibarrekolandako Carmelo Bernaola tunela birmoldatzeko eta indarrean dagoen araudira egokitzeko lanak hasi ditu aste honetan. Lanok 5.982.460,60 euroko aurrekontua dute (BEZa barne), eta 14 hilabetean amaitzea aurreikusi da.
Bilboko Udaleko iturriek jakinarazi dutenez, Morgan kalearen eta Enekuriko biribilgunearen artean dagoen tunelak sekzio berezia du, barruan duen errei kopurua aldatu egiten delako eta espaloirik ez duelako.
Hain zuzen, bi hodi paralelok osatzen dute tunela: Asuaranzko hodiak 495 metroko luzera du eta Bilborako hodiak 501,5 metrokoa.
Azpiegituraren egoera orokorra hobetzeaz gain, tunela indarrean dagoen araudira egokitzea da lanen helburua. Horretarako, trazadura ardatz berria sortuko da biribilgunerako irteeran dagoen gehiegizko zabalera murrizteko (segurtasun arrazoiengatik), espaloi berriak egiteko behar den espazioa sortuko da (orain existitzen ez direnak), eta bi hodien arteko huste-galeria bat egingo da.
Horrekin batera, tuneleko drainatze sistema hobetuko da eta argi eta aireztapen sistema osoa ordezkatu eta modernizatuko da.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
