EAEk 326 enpresa galdu ditu 2024an eta guztira 57.585 daude

Archivo - ABBren lantegia Trapagaranen
ABB - Archivo
Europa Press País Vasco
Actualizado: lunes, 13 enero 2025 14:15
@epeuskadi

BILBO, 13 (EUROPA PRESS)

Euskal Autonomia Erkidegoak (EAE) 57.585 enpresarekin bukatu du 2024. urtea, hau da, aurrekoan baino 326 gutxiago (-%0,6), abenduan 311 galdu ondoren. Jaitsiera sektore guztietan gertratu da, Confebask euskal enpresaburuen konfederakundearen datuen arabera.

Era berean, covid-19aren pandemia hasi aurreko 2020ko otsailarekin alderatzen bada, 1.308 enpresa gutxiago daude gaur egun EAEn (-%2,2), eta pandemian zehar galdutako enpresen %38 berreskuratu dira.

Autonomoei dagokionez, 62 gehiago zenbatetsi dira abenduan EAEn, hilabete horretan ohikoa izaten dena baino zertxobait gehiago, eta guztira 166.949 autonomo daude Gizarte Segurantzan erregimen horretan izena emanda.

Azkenik, konkurtso egoeran dauden 221 enpresa zenbatetsi dira EAEn 2024ko lehen bederatzi hilabeteetan, hau da, aurreko urteko aldi berean baino %29,2 gehiago. Sektoreka, konkurtso egoeran dauden enpresak denetan gehitu dira, eraikuntzakoak (40 enpresa eta %66,7ko gehikuntza), zerbitzuetakoak (135 eta +%28,6) eta industriakoak (44 eta +%4,8) nabarmenduz.

Contador