Fronte batek euria ekarriko du igandean eguerditik aurrera

BILBO 21 Dic. (EUROPA PRESS) -

Euskalmet euskal meteorologia agentziaren iragarpenaren arabera, igandean, abenduaren 22an, eguerditik aurrera fronte batek zeharkatuko du lurraldea eta euria ekarriko du.

Goizean Kantauri isurialdean zerua lainotuta egongo da eta han-hemenka euri-zarrastaren bat egin dezake, gauza gutxi. Hegoaldean, berriz, ateri eta hodeitza zertxobait saretuta egongo da. Eguerdi partean, ordea, fronte hotz bat iritsiko da eta euria ugaritu eta iparraldetik hegoaldera zabalduko da arratsaldean.

Haizea bizi ibiliko da, goizean mendebaldetik eta arratsaldean ipar-mendebaldetik zakar joko du; frontea iristearekin batera kostaldean haize-boladak oso gogorrak izan daitezke.

Tenperatura graduren bat igo daiteke. Hiriburuetan, Baionan 10 gradu espero dira gutxienez eta 14 gehienez, Bilbon 10 gutxienez eta 16 gehienez, Donostian 10 gutxienez eta 15 gehienez, Gasteizen 6 gutxienez eta 12 gehienez eta Iruñean 6 gutxienez eta 11 gehienez.

Itsasoan mendebaldeko haizea ibiliko da 5eko indarrekin, eta egunaren erdiko orduetan ipar-mendebaldera aldatuko da 6ko indarrarekin, arratsaldeko lehen orduetan 7ko tarte batzuekin; itsaski handia eragingo du eta eguerditik aurrera itsaso zakarra, oso zakarreko guneekin.

Ipar-mendebaldeko hondoko itsasoak 2-2,5 metro arteko olatuak altxatuko ditu eta arratsaldean igotzen joango da, gauean 3,5-4 metro ingurukoak altxatu arte. Itsasgorak 09:27an eta 22:06an izango dira, eta itsabehereak 03:07an eta 15:53an. Uraren tenperatura 13 gradukoa da eta ikuspena lau eta hamar kilometro artekoa izango da.