Eguraldia.- Hodeiak eta ostarteak ostiral honetan

BILBO 4 Abr. (EUROPA PRESS) -

Euskalmet euskal meteorologia agentziaren iragarpenaren arabera, ostiral honetan, apirilaren 4an, zeruan hodeiak eta ostarteak tartekatuko dira, batez ere Kantauri isurialdean; bertan eguerdi aldera eta arratsaldean urdingune ederrak zabalduko dira.

Baliteke Araban eta Nafarroan zaparradaren bat botatzea, bereziki goizean eta arratsaldearen amaieran, orduan hodei-geruza trinkoagoa izango baita. Baliteke iluntze aldera zaparrada trumoitsuren bat botatzea, bereziki Nafarroan.

Haizea hego-ekialdetik sartuko da eta tarteka traba egingo du. Tenperaturak gora egingo du; Kantauri isurialdeko hainbat tokitan 20 graduak gaindituko dira, baina hegoaldean apur bat baxuagoak izango dira.

Hiriburuetan, Baionan 14 gradu espero dira gutxienez eta 22 gehienez, Bilbon 15 gutxienez eta 23 gehienez, Donostian 14 gutxienez eta 21 gehienez, Gasteizen 10 gutxienez eta 18 gehienez eta Iruñean 9 gutxienez eta 19 gehienez.

Itsasbazterrean hego-ekialdeko haizea ibiliko da, 4ko indarrarekin eta egunaren lehen partean 5eko tarteekin, eta itsaso kizkurra eragingo du, itsaskirriko guneekin. Mendebaldeko hondoko itsasoak 0,5 metro inguruko olatuak altxatuko ditu. Itsasgorak 10:02an eta 22:27an izango dira, eta itsasbehereak 03:40an eta 16:04an. Uraren tenperatura 13 gradukoa da eta ikuspena hamar kilometrotik gorakoa izango da.