BILBO, 13 (EUROPA PRESS)
ELA, LAB, CCOO, Steilas eta ESK sindikatuek beste greba baterako deialdia egin dute martxoaren 12rako Euskal Autonomia Erkidegoko (EAE) sektore publikoan, lan baldintzak negoziatzeko "borondate politiko eza" dela eta.
Sindikatuotako ordezkariek astearte honetan Bilbon egindako prentsa agerraldian jakinarazi dutenez, egoera ez da konpondu sektore publikoan joan den urteko urrian eta abenduan egindako greben ondoren, baizik eta "guztiz kontrakoa".
Hori dela eta, sindikatuek ez dute ikusten "beste aukerarik" mobilizazioak antolatzen jarraitzea baino, sektore publikoaren eta bere lan baldintzen "benetako hobekuntza" lortu ahal izateko.
Sindikatuok salatu dute Madrilek markatzen duela norabidea euskal sektore publikoan, EAEko herri erakundeen eta alderdi politikoen "adostasunarekin", eta ohartarazi dute azken bi urteetan euskal langile publikoen erosteko ahalmenaren galera %8tik gorakoa dela eta behin behinekotasuna %44ra heltzen dela.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
