Eusko Jaurlaritzaren Uraren Euskal Agentziak Galgo paper fabrika zaharraren presa eraitsi du Andoainen

Lanak presa eraisteko
URA
Europa Press País Vasco
Actualizado: martes, 3 agosto 2021 16:25
@epeuskadi

DONOSTIA, 3 (EUROPA PRESS)

Eusko Jaurlaritzaren Uraren Euskal Agentziak (URA) Galgo paper fabrika zaharreko presa eraitsi du Andoainen, Lizarkola auzoan. Lanak ekaineko azken astean egin ziren eta helburua faunaren zirkulazioa erraztea eta bertan erabiltzen ez zen ibai zatia naturalitzea da.

Egindako inbertsioa 28.330,85 eurokoa da. 21 metroko presa txikia eta ezkerraldeko estribua eraitsi dira. Lanak faseka egin dira eta gune naturala modu progresiboan ibaiaren dinamikara atxikitzeko aukera izan du.

Bestalde, URAren eta Andoaingo Udalaren arteko lankidetza jarraitzeko asmoa dago. Gipuzkoako herriko Olagain auzoan saneamendua eta ibaiaren pasealekua hobetzeko proiektuarekin erlazionatutako landareztatzea egitea erabaki da. Azkenengo proiektu honek Eskualde Garapenerako Europako Funtsaren (EGEF-FEDER) finantziazioaren bidez aterako da aurrera.