Gasteiz ostadarraren koloreekin argiztatuko da ostiralean LGTBIQ+ Harrotasunaren Eguna ospatzeko

Ostadarraren koloredun bandera Gasteizko udaletxearen fatxadan, iaz
GASTEIZKO UDALA
Europa Press País Vasco
Actualizado: jueves, 27 junio 2024 11:15
@epeuskadi

GASTEIZ, 27 (EUROPA PRESS)

Gasteizko Udalak ostadarraren koloreekin argiztatuko ditu udaletxearen fatxada eta Arkupeko ibilbidea ostiralean, ekainaren 28an, LGTBIQ+ Harrotasunaren Eguna dela eta, eta herritarrak gonbidatu ditu hiriko elkarte eta taldeek antolatu dituzten jardueretan parte hartzera.

Gasteizko Udaletik gogorarazi dutenez, 1969ko ekainaren 28an poliziaren sarekada baten eraginez New Yorkeko Stonewallen gertatutako matxinada oroitzen da uretero ekainaren 28an. Hori izan zen LGTBIQ+ komunitateak gay eta lesbianei jazarpena egiten zien sistemaren aurka borrokatu zuen lehen aldia, eta egungo LGTBIQ+ mugimenduaren katalizatzailea izan zela esan daiteke.

Bada, nabarmendu dutenez, lortutako guztia aldarrikatzeko eta ikusgai jartzeko eta LGTBIQ+ pertsonen bizitzak eta eskubideak babesteko esparru legalak eskatzeko eguna da urtero ekainaren 28a.

Contador