Gasteizko Udalak 578.000 eurorekin lagunduko die Azkena Rock Festival jaialdiari eta Jazzaldiari

GASTEIZ, 25 (EUROPA PRESS)

Gasteizko Udaleko Hezkuntza Sailak 578.000 euro banatuko ditu Arabako hireiburuan ospatzen diren bi musika jaialdi garrantzitsuenen artean, Azkena Rock Festival eta Jazzaldiaren artean, hain zuzen ere. Rock jaialdiak 380.000 euro jasoko ditu, eta jazz jaialdiak 198.000 euro.

Sonia Diaz de Corcuera Kultura eta Hezkuntza zinegotziak adierazi duenez, "bi jaialdiek ibilbide oparoa dute hirian, eta ospe handia nazioartean. Horrelako ekimenek Gasteizek munduan duen enbaxadore gisa jarduten dute, eta erreferente kultural gisa jartzen dute gure hiria. Hori da, hain zuzen ere, 2024-2028 aldirako Kulturaren Plan Estrategikoan jasotako lan ildoetako bat".

Horrela, Gasteizko Udaleko gobernu batzarrak 2025eko Azkena Rock Festival jaialdia babesteko kontratuaren esleipena onartu du ostiral honetan, eta horren bidez, Kultura eta Hezkuntza Sailak 379.999,89 eurorekin babestuko du jaialdia.

Mendizabaleko hitzordua ekainaren 19tik 21era izango da aurten, eta lehen mailako egiotaraua izango du, John Fogerty, Lucinda Williams, Manic Street Preachers, Dinosaur Jr. edo The Flaming Lips bezalako nazioarteko artistekin, besteak beste.

Era berean, hiriko erreferentziazko beste jaialdia den Jazzaldiarekin hitzarmena sinatzea ere onartu da, eta akordioaren bitartez, Gasteizko Udalak 198.000 euroko ekarpena egingo dio uztailaren 14tik 19ra ospatuko den 48. edizioari. Toquinho, Al Di Meola eta Jose James moduko artistak bilduko ditu jaialdiak.