GASTEIZ 4 (EUROPA PRESS)
Gasteizko Udaleko gobernu batzordeak Izaskun Arrue Kulturgunerako ikus-entzunezko material espezializatua eta azpiegitura instalatzeko eta hornitzeko kontratuaren esleipena onmetsi du ostiral honetan, 199.598,33 euroan (BEZ barne).
Genuix Audio enpresa esleipendunak 60 egun naturaleko epea izango du gehienez kontratua sinatzen den egunetik zenbatzen hasita, ekipamendua Alde Zaharreko Errementari kalean dagoen Bergara jauregian entregatu, muntatu eta instalatzeko, Gasteizko Udaletik jakinarazi dutenez.
Kontratuaren barruan sartzen da udal eraikinaren lehengo solairuko eremu eszenikoan argi eta audio elementuak instalatzea, hala nola argiztapen mahai bat, laino makina bat, banaketa elektrikorako koadro bat, 500 kilora arteko kargetarako kate motorrak, soinu mahai digital bat, soinu mugagailuak, mikro oinak eta haririk gabeko mikrofonoak.
Kultur ekipamendua osatzeko, bideo eta 'streaming' elementuak erabiliko dira, besteak beste, aurrez aurreko proiekzio pantaila handi bat, bideo proiektagailu bat, urruneko kontrola duen zoom kamera bat eta 'streaming' erako bideo eta audio nahasgailu bat. Kontratuak, gainera, 55 hazbeteko hiru telebista eta elementu osagarriak jasotzen ditu.
Andalucía
