Gernikako Bakearen Museoak hainbat jarduerarekin gogoratuko du bonbardaketaren 88. urteurrena

BILBO, 22 (EUROPA PRESS)

Gernikako bonbardaketaren 88. urteurrena izango da larunbatean, apirilaren 26an, eta Bizkaiko udalerriko Bakearen Museoak hainbat jarduera berezi antolatu ditu, hala nola aldi baterako erakusketa berria.

Hain zuzen ere, Gernikako Bakearen Museotik jakinarazi dutenez, Fernando Sanchez Castillo artistaren 'Bandera zuria. Futuro damnatio' erakusketa inauguratuko da asteazkenean, apirilaren 23an.

Artista espainiarrak memoriari buruzko lanean oinarritu du bere ibilbidea, boterearen irudikapena eta artearen historiarekin duen harremana landuz. Gernikako erakusketak bere obrarik ikonikoenak bilduko ditu, Bakearen Museorako berariaz sortutako instalazio batekin "elkarrizketan".

Artelanen multzoak sinboloen eraikuntza eta suntsipenari buruzko hainbat begirada eskaintzen ditu, baita horiei lotuta beren defentsarekin edo desagertzearekin hazten diren mitoei buruzkoak ere.

Bestalde, larunbatean, Gernikako bondardaketaren 88. urteurrenaren egunean, ate irekieen eguna egingo du Gernikako Bakearen Museoak 10:00etatik 19:00etara, eta bere ordezkariek Bakearen eta Adiskidetzearen aldeko Gernika sarietan eta Zalloko hilerriko ekitaldietan parte hartuko du.

Era berean, Gernikako Bakearen Museoak eta Bonbardaketari buruzko bere Dokumentazio Zentroak 'Ondarea gerra garaian' izeneko jardunaldiak antolatu dituzte apirilaren 29rako eta 30erako, zenbait adituren parte hartzearekin. Jardunaldiak doakoak dira baina aldez aurretik izena eman behar da.

Gerra eta gatazketan ondarea babesteko ekintzak aztertuko dira, 1936ko Gerra Zibiletik gaur egungo gatazketaraino. Jardunaldiak Gernikako Elai Alai aretoan izango dira eta Arturo Colorado, Francisco Javier Muñoz, Santos M. Mateos Rusillo, Isber Sabrine, Patricia Fernandez Lorenzo, Javier Novo, Estibaliz Puente Velilla eta Francisco Jose Rufian Fernandez adituak daude parete hartrzaileen artean.