BILBO, 2 (EUROPA PRESS)
Gizarte Segurantzak 1.019.773 afiliatu zenbatetsi ditu ekainean Euskal Autonomia Erkidegoan (EAE), hau da, aurreko hilean baino 560 gehiago (+%0,05), eta horrela, marka berria ezarri du. Era berean, 2023ko ekainaren alderatzen bada, Gizate Segurantzak 16.819 kide gehiago izan ditu, hau da, %1,68ko gehikuntza gertatu da, Espainiako Gobernuak emandako datuen arabera.
Lurraldeka, Gizarte Segurantzak 168.167 afiliatu ditu Araban, 511.402 Bizkaian eta 340.204 Gipuzkoan. Hil arteko gehikuntzarik handiena Gipuzkoan izan da, maiatzean baino 692 afiliatu gehiago zenbatetsi baitira ekainean (+%0,20); Bizkaian 241 gehiago izan dira (+%0,05), eta Araban 374 gutxiago (-%0,22).
Joan den urteko ekainarekin alderatuta, berriz, Gizarte Segurantzak 8.793 kide gehiago erregistratu ditu Bizkaian (+%1,75), 4.627 gehiago Gipuzkoan (+%1,38) eta 3.398 gehiago Araban (+%2,06).
Azkenik, Gizarte Segurantzak EAEn ekainean zenbatetsi dituen afiliatu guztietatik 848.369 erregimen orokorrekoak dira, 27.890 etxeko langileak eta 2.509 nekazaritza langileak. Gainera, 167.274 harpidedun autonomoak dira, eta 4.130 itsasoko langileak.
Andalucía
