Gizateriarentzako teknologiari buruzko lehen goi bilera egingo da aste honetan Bilbon

BILBO, 11 (EUROPA PRESS)

BBK-k eta Ashoka Fundazioak sustatutako 'BBK Tech for Humanity Summit' gizateriarentzako teknologiari buruzko nazioarteko lehen goi bilera egingo da Bilbon astelehen honetatik asteazkenera, eta eragin sozialeko teknologian adituak diren 20 herrialdetako 100dik gora pertsona bilduko dira, besteak beste, Espainia, Argentina, Brasil, AEB, India, Indonesia, Nigeria eta Errumaniakoak.

Bilboko BBK Kunan astelehen honetan egindako aurkezpen ekitaldian azaldu dutenez, topaketaren helburua etorkizunerako irtenbide berritzaileak bilatzea da, teknologia gizarte osoarentzat baliagarri izan dadin.

Goi bilera Guggenheim Bilbao Museoan inauguratuko da astelehen honetan, 19:00etan, eta 500 pertsonak baino gehiagok parte hartuko dute. Han izango dira Antonella Broglia Ashoka Fundazioaren enbaxadorea, ekitaldiko gidari gisa, Nora Sarasola BBK-ko Gizarte Ekintzako zuzendaria, Irene Milleiro Ashoka España eta Portugaleko zuzendari nagusia eta teknologia gizartearen onerako erabiltzen adituak diren hainbat gizarte ekintzaile.

Nora Sarasolak aurkezpenean azaldu duenez, "adimen artifiziala alor, industria, sektore eta jarduera guztietan txertatuko den teknologia da, eta, beraz, eragin izugarria izango du, positiboa edo negatiboa".

"BBKtik uste dugu gakoa dela adimen artifizialak eta giza adimenak eskaintzen duten onena lotzea. Horregatik antolatu dugu 'summit' hau, irtenbide berritzaileak proposatzeko, teknologiak gizateriarentzat lan egin dezan eta bere eragina hainbat esparrutara zabal dadin, esaterako, hezkuntza, osasuna, ingurumena, demokrazia eta bizikidetza", esan du.

ELKARRIZKETARAKO BI EGUN

Topaketaren hasiera ekitaldiaren ondoren, potentzial teknologikoaren aprobetxamenduari eta bere arriskuei aurre hartzeari buruzko ekarrizketa-jardunaldiak izango dira asteartean eta asteazkenean.

Biltzarra mundu mailako lehena da bere arloan, eta "aukera paregabea" eskainiko du 100dik gora pertsona elkarrizketan aritzeko, hala nola gizarte ekintzaileak, korporazioetako liderrak, lider akademikoak, enpresak eta lau kontinentetako filantropoak. Landuko dituzte gaien artean daude demokraziaren etorkizuna adimen artifizialaren ezarpen testuinguruan edo adimen artifiziala erregularizatu eta erabiltzea gizateriaren mesedetan.

Irene Milleirok aurkezpenean adierazi duenez, "adimen artifizialak arriskuak ditu, baita aurrez aurre ditugun gizarte erronka handiei aurre egiteko aukera paregabeak ere. Arriskuak minimizatzeko eta aukerak aprobetxatzeko modurik onena, gizarte berrikuntzan eta teknologian adituak diren 100 pertsona baino gehiago biltzea izatea uste dugu, ideia berriak identifikatu eta bultzatzeko, gizadiaren onurarako aurrerapenak lortzeko".