DONOSTIA 15 Abr. (EUROPA PRESS) -
Ertzaintzako agenteek 30 urteko gizonezko bat atxilotu dute astearte honetan Lezoko (Gipuzkoa) etxebizitza batean indarra erabiliz lapurreta egitea leporatuta. Atxilotuak etxe bateko leihoa behartu du barrura sartzeko.
Eusko Jaurlaritzako Segurtasun Sailak jakinarazi duenez, astearte honetako 01:00ak baino lehentxeago Ertzaintzari adierazi diote Lezoko etxe batean zarata handiak entzuten zirela.
Herritarren babeserako patruila bat bertaratu denean pertsona bat ari zen eraikineko leiho batetik irteten. Jarraian, korrika ihes egin du, baina ibilgailu baten atzean ezkutatzen saiatu denean harrapatu dute.
Poliziek egiaztatu dute inplikatuak etxetik irteteko erabili duen leihoa hautsita zegoela, eta leiho-atea desmuntatuta. Ebidentzia horien aurrean, indarra erabiliz lapurreta egitea leporatuta atxilotu dute. Atxilotua epailearen aurrera eramango dute dagozkion polizia eginbideak amaitutakoan.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
