Jon Vazquez Eguskiza Athletic Club Fundazioko zuzendari berria da

Jon Vazquez Eguskiza
ATHLETIC CLUB
Europa Press País Vasco
Actualizado: lunes, 18 febrero 2019 12:38
@epeuskadi

BILBO, 18 (EUROPA PRESS)

Jon Vazquez Eguskiza Athletic Club Fundazioko zuzendari berria izendatu dute astelehen honetan, eta Ritxi Mendiguren ordezkatu du karguan, talde zurigorriak bere web orrian jakinarazi duenez.

Eguskiza Bilbon jaio zen, duela 42 urte, eta abokatua da. Ekonomialari lizentziatura atera zuen Deustuko Unibertsitatean, eta Enpresa Zientziak egin zituen Euskal Herriko Unibertsitatean (EHU), Executive MBA Esden Business School-ean, Advanced Management Program IE Business School-ean eta General Management Program Cambridgeko Unibertsitateko Judge Business School-ean.

Halaber, Vazquez Eguskizak 15 urteko ibilbide profesionala egin du Kutxabank finantza erakundean, negozio lerro ezberdinetan, hala nola bulego, banku pertsonal, enpresa banku eta banka korporatiboan.

Ritxi Mendiguren ordezkatuko du Vazquez Eguskizak. Mendiguren 2012an sartu zen Athletic Club Fundazioan eta zuzendaritza lanak bete ditu azken lau urteetan. Athletic Clubek eskertu egin dio Mendigureni bere profesionaltasuna eta zorterik onena opa dio etorkizunean.