Katalan eta irlandera ikastaroak antolatu ditu Zenbat Gara elkarteak Bilbon

BILBO 4 (EUROPA PRESS)

Zenbat Gara elkarteak katalana eta irlandera ikastaroak jarriko ditu martxan azaro honetan, Bilbon. Katalan eskolak astearte eta ostegun arratsaldeetan izango dira, azarotik ekainera, eta irlanderakoak, berriz, igande eguerdietan.

"Katalana eta irlandera, bi hizkuntza eta kultura lagun ditugu, bakoitza bere ezaugarriekin baina, euskarak bezala, urte luzez zapalkuntzari eta diglosiari aurre egindakoak. Bi hizkuntza hauek ezagutzearekin batera, lagun eta bidaide ditugun kultura eta nazio hauekiko harremanak estutzeko aukera emango digute ikastarook",l adierazi dute ikastaroen antolatzaileek.

Bada, katalanaren kasuan, aurreko edizioetan egindako ikastaroen bideari jarraituko zaio, eta Jordi Vives irakaslearen eskutik eskolak astearte eta ostegun arratsaldeetan izango dira, 18:00etatik 20:00etara, azarotik ekainera. Ikastaroen prezioa 340 eurokoa izango da ikasturte osorako (bi epetan ordaindu ahal izango da), eta klaseak Gabriel Aresti euskaltegian izango dira. Izen-ematea euskaltegian bertan edo 944 237 591 telefonoan egin daiteke.

Irlandera klaseak, berriz, doakoak izango dira, eta gehienbat oinarrizko mintzamenean oinarrituko dira. David Henderson irakaslearen eskutik, igande eguerdietan izango dira, 12:00etatik 14:00etara, hilean bitan, Gabriel Aresti euskaltegiaren Kale Nagusiko egoitzan. Izen-ematea 635 00 85 49 telefonoan egin daiteke.