Renfek aldirietako zerbitzuak moldatuko ditu Gabonetan Bilbon

Archivo - Renfe
RENFE - Archivo
Europa Press País Vasco
Publicado: lunes, 23 diciembre 2024 17:23
@epeuskadi

BILBO 23 Dic. (EUROPA PRESS) -

Renfek Bilboko aldirietako tren zerbitzuen ordutegiak moldatuko ditu astelehen honetatik urtarrilaren 7ra, Gabonetako ospakizunak duirela eta, eta zerbitzuak murrizketa arinak izango ditu Bilbo eta Laudio arteko C3 linean. Gainera, abenduaren 24an, 25ean eta 31n eta 2025eko urtarrilaren 1ean trenen zirkulazioa aldatuko da.

Renfek prentsa ohar bidez jakinarazi duenez, abenduaren 24an eta 31n, Bilbo erdiguneko aldirietako azken trenak 21:00etatik 21:50era artean abiatuko dira (C1 Bilbo-Santurtzi, C2 Bilbo-Muskiz eta C3 Bilbo-Urduña); abenduaren 25ean lehenengo trenak 10:35etik aurrera egongo dira martxan, eta urtarrilaren 1ean 06:45etik aurrera.

Zabalera metrikoko aldirien kasuan ere (C4f Bilbo-Balmaseda), ohiko ordutegiak aldatu egingo dira. Horrela, abenduaren 24an eta 31n, Bilbotik 20:21ean abiatuko da azken trena Balmasedarantz, eta kontrako noranzkoan 20:47an; abenduaren 25ean, Bilbotik Balmasedarantz joango den lehen trena 09:21ean abiatuko da, eta kontrako noranzkoan, berriz, 08:48an; urtarrilaren 1ean, Bilbotik Balmasedarantz joango den lehen trena 08:15ean abiatuko da, eta kontrako noranzkoan 07:42an.

Contador