BILBO, 21 (EUROPA PRESS)
Muhammad-Ali Abdur-Rakhman eskolta estatubatuarra da Surne Bilbao Basket taldeak datorren denboraldira begira egin duen hirugarren fitxaketa, Harald Frey antolatzaile suediarraren eta Tomasz Gielo hegal-pibot poloniarraren ondoren.
Bilboko klubak sarean argitaratutako ohar batean jakinarazi duenez, Abdur-Rahkman Darussafaka talde turkiarretik helduko da, eta urtebeterako kontratrua sinatu du, beste urtebete luzatzeko aukerarekin. Turkiako taldearekin 15.1 puntu, 2.9 errebote eta 2.7 asistentziako batez bestekoak lortu zituen aurreko denboraldian BCL txapelketan.
Aurretik, 2022-2023 denboraldian, Italiako Liga jokatu zuen Carpegna Prosciutto Pesaro taldearekin, partidako 13.9 puntu, 4.2 asistentzia eta 3.6 erreboteko batez bestekoekin.
Europara iritsi aurretik, Abdur-Rahkmanek NCAA unibertsitate liga estatubatuarrean jokatu zuen, Michigan Wolverines taldearen elastikoarekin, eta 12.9 puntu eta 3.9 erreboteko batez bestekoak lortu zituen 2017-2018 denboraldian.
Surne Bilbao Basketen kirol zuzendaritzaren iritziz, eskolta estatubatuarra europar ligetan esperientzia duen jokalaria da, eta taldearentzat "erasoko baliabide garrantzitsua" izatea espero dute. "Hiruko jaurtitzaile ona da eta abantaila ateratzen du pick and roll-etan, hala berak saskiratzeko, nola taldekideei asistentzia emateko. Defentsan jokalari sendoa da eta esku onak ditu baloia lapurtzeko", azaldu dute.
Andalucía
