Woody Allen-ek Bilbon ekainean eskainiko duen kontzerturtako sarrerak salgai daude

Woody Allen Bilbon
EUSKALDUNA
Europa Press País Vasco
Actualizado: martes, 19 febrero 2019 13:25
@epeuskadi

BILBO, 19 (EUROPA PRESS)

Woody Allen zinemagile eta klarinete jotzaile estatubatuarrak eta The Eddy Davis New Orleans Jazz Band taldeak ekainaren 16an Bilboko Euskalduna jauregian eskainiko duten kontzerturako sarrerak salgai daude, 65 eta 90 euro artean, www.euskalduna.eus webgunean eta BBKren orotarako kutxazainetan, Euskaldunako arduradunek jakinarazi dutenez.

Kontzertua inprobisatua izango da eta ez du errepertorio finkorik izango. Horrela, XX. mende hasierako abestiak, klasikoak eta artista ugaritan inspiraturiko blues eta rag-ak bilduko ditu, hala nola Sidney Bechet, George Lewis, Johnny Dodds, Jimmie Noone eta Louis Armstrong.

Duela 36 urte hasi ziren Woody Allen eta Eddy Davis musika zuzendariak zuzendutako New Orleanseko Jazz Band taldea agertokiz agertoki ibiltzen eta jendeari New Orleanseko musikan inspiratutako nahasketa eskaintzen.

Duela 23 urte egin zuten Europako lehenengo bira, 1996an, eta 21 egunean 19 kontzertu eskaini zituzten. Bira hura "Wild Man Sings the Blues" dokumentalean islatu zuten; Katherine Bigelowek zuzendu zuen eta kritikak oso gustukoa izan zuen. Woody Allen-ek eta taldeak New Yorkeko Carlyle kafeko aretoetan ere jotzen dute.