De 24 novas residencias a un bono para peixe: os anuncios de Rueda no debate de política xeral

   SANTIAGO DE COMPOSTELA, 23 Abr. (EUROPA PRESS) -

   A primeira sesión do Debate sobre o Estado da Autonomía deixou varios anuncios do presidente da Xunta, Alfonso Rueda. Un dos máis destacados é o impulso este mandato da construción de 24 novas residencias de maiores. Pero o mandatario desvelou outras medidas nas que traballa o seu Goberno, como a activación dun bono para promover o consumo de peixe fresco.

    A continuación, enuméranse os principais anuncios desta sesión:

   1.- Paquete de medidas para "reorientar" o sector aeroespacial galego á seguridade e defensa. Terá un investimento de 180 millóns.

   2.- Articulación dunha rede de sendas que conectarán o litoral galego "desde Ribadeo até A Guarda". Tamén se creará unha guía para a integración de establecementos hostaleiros do litoral e convocarase unha liña de axudas para recuperar e rehabilitar edificacións.

    3.- Nova desgravación por compra de libros e material escolar coa que fogares de entre 10.000 e 30.000 euros de renda anual per cápita poderanse descontar o 15% do gasto até un máximo de 105 euros por alumno.

    4.- Nos próximos meses iniciaranse os traballos para elaborar a nova lei de ciencia e innovación de Galicia.

    5.- Este ano crearase unha rede de concellos contra o acoso escolar.

    6.- Plan "histórico" para construír 24 novas residencias de maiores, que habilitarán 1.800 novas prazas de atención aos maiores en municipios de menos de 50.000 habitantes.

    7.- Nos próximos meses a Xunta lanzará un proxecto piloto para mellorar a atención dos pacientes con patoloxías crónicas.

    8.- O próximo curso ampliarase a vacina intranasal contra a gripe a todos os nenos entre 2 e 11 anos. Ademais, porase en marcha un programa piloto para administrala nos colexios.

    9.- Novo programa de axudas para rehabilitar e renovar inmobles baleiros que se vaian a pór en aluguer.

    10.- No primeiro semestre deste ano iniciarase a tramitación da nova Lei de administración local de Galicia.

    11.- Haberá un réxime especial para os concellos en risco de despoboamento con actuacións e plans específico, e cun reforzo dos fondos autonómicos.

    12.- Rede de centros de innovación agroalimentaria no rural.

    13.- Bono para estimular o consumo de peixe fresco, dotado de 50 euros. A Xunta investirá 2,5 millóns ao longo de dez semanas, que se liberará a razón de cinco euros semanais. O desconto será acumulable no caso de que non se aproveite no período asignado.

    14.- Programa de capacitación para máis de 800 profesionais do sector turístico.

    15.- A Xunta reforzará as medicións nas rutas do Camiño de Santiago e lanzará un paquete de axudas para crear novos establecementos turísticos que se axusten a novas tendencias do mercado ou reformar os existentes no ámbito do termalismo.

    16.- Creación de catro novos Centros de Información á Muller (CIM) móbiles --un por provincia--.