Alfonso Rueda, a un paso de suceder a Feijóo na Xunta e no PPdeG despois de recibir o apoio expreso de Baltar

   SANTIAGO DE COMPOSTELA, 12 Abr. (EUROPA PRESS) -

   O vicepresidente primeiro da Xunta, Alfonso Rueda, está a un paso de converterse no sucesor de Alberto Núñez Feijóo á fronte da Xunta e tamén no PPdeG, despois de recibir o apoio público e expreso do presidente da Deputación e líder provincial ourensán, Manuel Baltar.

   Fontes consultadas por Europa Press confirmaron que o dirixente ourensán fixo púbico o seu respaldo ao líder do PP pontevedrés despois de manter unha conversación con Feijóo, que dimitirá en breve como presidente da Xunta despois de tomar as rendas do PP nacional no recente congreso de Sevilla. O seu obxectivo é que, en maio, "todos nos seus postos".

   En todo caso, Feijóo mantivo non só este martes senón tamén en días pasados conversacións co resto de líderes provinciais e principais dirixentes do PP galego en busca de pechar un acordo para poder compasar a substitución na Xunta cunha lista unitaria para ratificar a Rueda tamén como presidente autonómico nun congreso.

   Esta é a vía que, precisamente, defendeu Baltar nunha entrevista con Europa Press. O acordo para unha lista de consenso estaría "encarrilado" e habería "boa sintonía" ao redor da proposta de Feijóo.

   De feito, o pronunciamiento público do líder do PP provincial ourensán --a lucense Elena Candia non se manifestou, pero fontes consultadas por Europa Press dan por feito que non cuestionará a vía que elixa Feijóo-- podería contribuír a favorecer o peche do acordo.