O BNG empraza a Rueda a deixar o "servilismo" ao PP e reunirse con Sánchez cunha "posición de país"

A CORUÑA 17 Sep. (EUROPA PRESS) -

A portavoz nacional do BNG, Ana Pontón, emprazou ao presidente da Xunta, Alfonso Rueda, a acudir á reunión co presidente do Goberno, Pedro Sánchez, cunha "posición de país" e non de "partido".

"Vendo as declaracións de Rueda é preocupante a actitude coa que vai, subordinación e servilismo a Madrid como nunca antes vimos", dixo en referencia ao PP, en declaracións aos xornalistas após unha reunión co reitor da Universidade da Coruña, Ricardo Cao, e en relación ao encontro previsto para o venres.

Pontón incidiu en que o BNG negociou co PSOE, no acordo de investidura, que Galicia "ten que ter a mesma quita que outras autonomías na súa débeda pública".

"Se o presidente do Goberno ofrécelle unha quita da débeda vai dicir si ou non ou vai negarse a tratar dese tema porque llo marcou Feijóo", preguntouse Pontón despois de que Rueda asegurase que estaba disposto a "escoitar" a Sánchez sobre financiamento, pero sen "negociar" ou selar "acordos".

En base a estas declaracións, a dirixente nacionalista emprazoulle a aclarar "se está disposto, por unicamente cumprir as directrices do seu partido, a renunciar a que os galegos teñamos quita da débeda, o que nos permitiría ter a dispoción moitos millóns de euros para sanidade, educación ou atención á dependencia".

"É cuestión crave para non ir a outra cita que quede nunha foto e non traia nada para este país", aseverou Pontón quen demandou unha "posición de país" e non "de partido". "Pero iso require un diálogo e nin sequera levantou o teléfono para falar coa líder da oposición", remarcou.