SANTIAGO DE COMPOSTELA, 31 Ene. (EUROPA PRESS) -
A portavoz parlamentaria de Sanidade do BNG, Montse Prado, recriminou ao Goberno de Alberto Núñez Feijóo" que "pretenda amordazar de forma pura e duramente aos profesionais sanitarios" galegos que denuncian o déficit de empregados, "a saturación e as deficiencias" dos seus centros de traballo.
En concreto, Prado cualificou de "pin sanitario" a decisión da Xunta pola que prohibe colocar carteis "difamatorios" ou aqueles que van contra das institucións en hospitais e centros de saúde. Igualmente critica que "no canto de dar respostas" á situación denunciada, opta pola "censura".
Con todo, "non se pode tapar a lúa cun dedo e a estas alturas todo o mundo sabe cal é a situación" da sanidade pública galega, "un espectáculo de doentes amontoados nos corredores, en cadeiras e padiolas", denunciou a deputada este venres ás portas do Complexo Hospitalario Universitario de Santiago (CHUS).
"Temos menos e peor sanidade pública fronte ao reforzo da sanidade privada" que se incrementou "ao longo destes 11 anos" co PP no Goberno galego, que "empuxou á sanidade pública cara ao precipicio, con menos presupostos, menos profesionais e menos camas".
As mesmas condicións "de saturación" repítense no servizo de Atención Primaria, no que é "moi complicado" obter "unha cita médica para cando a necesitas" e danse "demoras dunha semana, dez días ou quince".
A SANIDADE, "UN BEN MOI PREZADO"
Tampouco se esquece "das familias que saen á rúa para demandar unha solución a esta situación", que "non aceptan quedar sen pediatra para os seus fillos, que non aceptan" unhas "urxencias colapsadas" e que queren "alternativas" para conseguir un "servizo digno".
Polos mesmos motivos mobilizáronse máis de 20.000 persoas en Verín, para impedir que se pechase o paritorio e os servizos de emerxencias de pediatría. Lembra esta protesta e fai un chamamento para o que o 9 de febreiro a cidadanía apoie a manifestación de SOS Sanidade Pública para coidar a sanidade pública, "un ben moi prezado" que debe seguir o principio de "equidade" tanto as zonas urbanas como nas rurais.
Andalucía
