SANTIAGO DE COMPOSTELA, 25 Jul. (EUROPA PRESS) -
A manifestación do BNG polo 25 de xullo, Día da Patria, comezou pasado o mediodía deste martes en Santiago co obxectivo no horizonte dun "cambio político" e de "ciclo" nas próximas eleccións autonómicas.
Baixo a lema 'Imos a máis' arrincou na Alameda esta mobilización nunha xornada na que a portavoz nacional do BNG, Ana Pontón, reivindicou o "orgullo" de "ser unha nación" e "un país con moitísimo futuro", á vez que subliñou que as portas do Bloque "están abertas" para "seguir ensanchando" á formación.
"Estamos nun momento decisivo", asegura, e "un dos grandes retos vai ser que en Galicia se produza un cambio político", "este cambio que tanto necesita este país". Por iso, chama a "facer historia" para que por primeira vez haxa unha presidenta na Xunta.
A preguntas sobre o apoio a unha investidura de Pedro Sánchez como presidente do Goberno, Pontón destacou que o 23 de xullo "quedou claro que houbo unha derrota dese bloque da dereita" polo que o BNG vai traballar por un Goberno "alternativo que amplíe dereitos e liberdades, pero tamén que cumpra con Galiza".
E é que remarca que o Bloque conta cun "escano decisivo" no Congreso que "vai ter un papel importante na lexislatura". "Imos ser moi esixentes agora de reclamar aquilo que Galiza necesita", avisa.
(HABERÁ FOTOS PROFESIONAIS)
Andalucía
