OURENSE, 22 Jun. (EUROPA PRESS) -
Un supermercado situado na avenida de Redondela, no municipio ourensán de Ribadavia foi desaloxado, de maneira preventiva, tras detectar cheiro a gas na zona dos almacéns.
Segundo informou o 112, foi o persoal do supermercado o que ao fío das 11,30 horas deste sábado deu a voz de alarma e procederon a evacuar a todos os traballadores e clientes que se atopaban no establecemento.
Até o punto desprazáronse os Bombeiros do Carballiño, o GES de Ribadavia, a Garda Civil e a Policía Local. Ademais, a central de emerxencias avisou a Urxencias Santiarias de Galicia-061 e aos técnicos encargados da xestión do subministro de gas.
Unha vez no lugar, os servizos de emerxencias realizaron as medicións correspondentes que arroxaron un resultado negativo.