Detido un mozo nas Neves (Pontevedra) logo de matar á súa nai cun coitelo

Europa Press Galicia
Publicado: jueves, 26 septiembre 2024 9:25
@epgalicia

VIGO 26 Sep. (EUROPA PRESS) -

A Garda Civil detivo nas últimas horas a un mozo de 20 anos de idade como presunto autor da morte da súa nai, unha muller de 60 anos, no domicilio familiar das Neves (Pontevedra).

Segundo informaron fontes da Comandancia de Pontevedra, os feitos ocorreron este mércores sobre as 21,20 horas nunha vivenda da parroquia de Rubiós. Alí, este mozo acoitelou á súa nai á porta do domicilio, causándolle a morte, e logo encerrouse na súa habitación.

Cando se acudiron os axentes da Garda Civil procederon á súa detención e posterior traslado ao Hospital Álvaro Cunqueiro, xa que o presunto autor do homicidio presentaba algunhas lesións.

O Concello das Neves convocou un minuto de silencio este xoves ás 12,00 horas fronte ao consistorio e está prevista unha reunión da Xunta de Portavoces para acordar algunha xornada de loito oficial.

Contador