Falece un home de 86 anos nunha colisión entre unha furgoneta e un turismo en Mazaricos (A Coruña)

Archivo - Arquivo - Helicóptero medicalizado do 061 con base en Santiago.
HELICOSANTIAGO - Archivo
Europa Press Galicia
Publicado: lunes, 25 noviembre 2024 12:51
@epgalicia

   SANTIAGO DE COMPOSTELA, 25 Nov. (EUROPA PRESS) -

   Un home de 86 anos perdeu a vida este luns nunha colisión entre unha furgoneta e un turismo na estrada AC-441, ao seu paso polo municipio coruñés de Mazaricos.

   Segundo informou o 112 Galicia, o sinistro produciuse no quilómetro 3 desta vía minutos despois das 11.15 horas.

   Até o lugar desprazáronse os servizos sanitarios, o GES de Noia, a Garda Civil e Protección Civil, así como os Bombeiros de Xallas, que tiveron que excarcerar ao home falecido.

    Pola súa banda, o Servizo de Urxencias Sanitarias de Galicia-061 mobilizou até o lugar do sinistro ao helicóptero medicalizado con base en Santiago e a unha ambulancia de soporte vital básico cun equipo de Atención Primaria.

   Xa no punto, os servizos sanitarios só puideron confirmar o falecemento do home de 86 anos. Ademais, outro home, de 71 anos de idade, foi atendido e dado de alta sen necesidade de ser trasladado.

   Así mesmo, fontes da Garda Civil confirmaron que a vítima, veciña da parroquia de San Cosme de Antes, é o condutor do turismo implicado e que non levaba posto o cinto de seguridade.

Contador