Galicia Bilingüe chama a Feijóo "mentireiro no sentido literal da palabra" por retirar a consulta aos pais

VIGO 20 May. (EUROPA PRESS) -

A presidenta de Galicia Bilingüe, Gloria Lago, considera "terriblemente decepcionante" o decreto do plurilingüismo no ensino non universitario, aprobado polo consello de la Xunta, e advirte de que "posibilitará a pervivencia da imposición lingüística nos colexios galegos" ao retirar a consulta ás familias.

"A baixeza moral que se desprende da súa actuación é tal, que non me queda máis remedio que lle chamar mentireiro no sentido literal da palabra", sinalou Gloria Lago, nun comunicado, tras considerar que o novo texto "confirma o engano que protagonizou Núñez Feijóo durante a campaña electoral".

Lago considerou que a decisión de retirar a consulta aos pais en Primaria e Secundaria do decreto "non garda relación co insostible informe emitido días atrás polo Consello Consultivo", senón que "foi premeditado". Por iso, lamentou que Feijóo decida "enterrar a súa promesa electoral" e condicionar a opinión das familias á elaboración dunha "hipotética nova lei".

Así, a asociación decidiu publicar "nun lugar destacado da súa páxina web" un video titulado 'a gran mentira', que inclúe gravacións textuais do actual presidente da Xunta --cando aínda se atopaba en campaña electoral--, nas que prometía que os pais decidirían no sobre de matrícula o idioma das materias troncais.