O Goberno ratifica o nomeamento de Besteiro como novo delegado do Goberno en Galicia

Archivo - Arquivo - O secretario xeral do PSdeG, José Ramón Gómez Besteiro
EUROPA PRESS - Archivo
Europa Press Galicia
Publicado: martes, 28 marzo 2023 15:31
@epgalicia

   SANTIAGO DE COMPOSTELA / MADRID, 28 Mar. (EUROPA PRESS) -

   O Consello de Ministros ratificou este martes o nomeamento de José Ramón Gómez Besteiro como novo delegado do Goberno en Galicia, en substitución de José Miñones.

   Así o anunciou este martes a portavoz do Goberno, Isabel Rodríguez, que tamén informou de que o secretario xeral da Presidencia, Francisco Martínez, pasará a ocupar a Delegación do Goberno en Madrid, e Carlos Prieto será o novo delegado do Goberno en Cataluña.

   Xunto a eles, o Executivo nomeou este martes aos delegados do Goberno de Madrid, Galicia e Cataluña. O primeiro é o até agora secretario xeral da Presidencia do Goberno, Francisco Martínez, qiuen substituirá a Mercedes González, que hoxe tamén foi nomeada directora xeral da Garda Civil.

   O cargo que deixa Martínez en Presidencia será asumido por Judith González Pedral como secretaria xeral da presidencia, quen até agora desempeñaba o cargo de Directora do Departamento de Coordinación Técnica e Xurídica da Presidencia do Goberno. É licenciada en dereito e previamente foi subdirectora xeral de Cooperación e Coordinación Territorial do Ministerio de Xustiza e secretaria xeral da Escola de Organización Industrial.