SANTIAGO DE COMPOSTELA 4 Oct. (EUROPA PRESS) -
A popular Elena Candia presidirá a comisión que investigará no Parlamento de Galicia contratos da Xunta con empresas como Eulen. A tamén deputada do PP Carmen Pomar será a vicepresidenta e o nacionalista Luís Bará será o secretario.
Así foi aprobado este venres durante a votación en comisión, onde o parlamentario do Bloque Luís Bará recibiu sete papeletas para ser presidente, fronte as nove de Candia.
Ao termo, Candia declarou constituída a comisión e elixida a mesa e levantou a sesión.