A CORUÑA 23 Sep. (EUROPA PRESS) -
O secretario xeral do PSdeG, Valentín González Formoso, cualificou de "decepcionante" comprobar que "a primeira medida fiscal" que adopta o presidente da Xunta, Alfonso Rueda, "ten que ver con beneficiar aos máis ricos".
González Formoso fixo estas declaracións a preguntas dos xornalistas após o anuncio do titular do Executivo autonómico de ampliar a bonificación ao imposto de patrimonio, que pasará dun 25% ao 50% no orzamento de 2023.
"Estamos a falar de que lle vai a baixar os impostos ao 0,02% da poboación galega, mentres o 99% seguen esperando que esa rebaixa de impostos chegue no seu tramo de IRPF correspondente", declarou o secretario xeral dos socialistas galegos.
Así mesmo, engadiu que a cidadanía quere unha "política fiscal seria, pensada por e para Galicia e non para Xénova e para os intereses dos baróns do PP".
"Galicia non debe de estar supeditada ao criterio da presidenta da Comunidade de Madrid nin á Comunidade de Andalucía", puntualizou.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
