Rueda censura que os PGE premian a quen "sustenta" ao Goberno e di que para Galicia "son o contrario" a históricos

SANTIAGO DE COMPOSTELA 8 Oct. (EUROPA PRESS) -

O presidente da Xunta, Alfonso Rueda, asegurou que, nunha "segunda lectura", o borrador de orzamentos presentado polo Goberno central é "aínda peor" que nunha primeira ollada, e censurou que premian ás comunidades na que, dixo, o Goberno quere "sustentar" a súa "supervivencia" até o final da lexislatura, en referencia a forzas políticas como ERC.

Así, o xefe o Executivo galego advertiu de que "no que se refire a Galicia" son "todo o contrario" a uns orzamentos "expansivos, históricos e que atendan a todas as necesidades", como defende --engadiu-- o presidente Pedro Sánchez e os seus ministros.

En declaracións aos medios este sábado, Rueda manifestou que "non hai practicamente aumento" e que, o que hai nalgunhas partidas, "vén de cantidades que se consignaron para este ano" e que son "obras que non se executaron" nin se expuxeron. "Vemos que se pon outra vez e temémonos que vai pasar o mesmo", remarcou.

O mandatario autonómico sinalou que esta situación "se agrava" ao observar "evidentisimos incrementos nas comunidades autónomas que coinciden na súa maioría con aquelas que sustentan ao Goberno ou nas que o Goberno vai pretender sustentarse o ano que vén, ata que cheguen as eleccións".

Neste sentido, concluíu que así "non se reequilibria", "nin se fai país, nin xustiza", cuns orzamentos xerais que "pretenden que sexan os máis expansivos". "Desde logo, para Galicia non", aseverou.

AVE CON PORTUGAL

Entre outras cuestións, o mandatario galego censurou que non estea consignada ningunha partida para levar a AVE á fronteira con Portugal, tendo en conta que o país luso anunciou un "esforzo" investidor para levar a alta velocidade até a fronteira española.

"A parte española tiña que ter consignación para chegar a tempo, pois parece que todo o contrario, que a AVE vai chegar á freontera española e o español non arrincou", lamentou Rueda, que ha dichoque esta cuestión é un mero "exemplo" pero que hai "muchisimos" máis.

CON CATALUÑA

"Todos sabemos que a Pedro Sánchez o que lle interesa son os apoios dos diferentes partidos que o están apoiando no Congreso", observou o presidente da Xunta, que se referiu a "tantos exemplos de cesións" pasadas que, esta, dixo, "é unha máis sen dúbida".

Así, o dirixente autonómico sinalou que "cando ven estes incrementos de porcentaxes" noutras comunidades autónomas, "estanllos quitando" a outras. "Réstannos orzamentos para darllos a aqueles aos que entende Pedro Sánchez que lle serven para a súa supervivencia", sentenciou.