Rueda reivindica unha Galicia "aberta, tolerante e en liberdade" no Día do Orgullo

   Pontón asegura que o BNG sempre traballará por unha Galicia "inclusiva e tolerante" e o PSdeG afea ao PP os pactos con Vox

   SANTIAGO DE COMPOSTELA, 28 Jun. (EUROPA PRESS) -

   O presidente do Goberno galego, Alfonso Rueda, reivindicou este mércores unha Galicia "aberta, tolerante e en liberdade" con motivo da celebración do Día do Orgullo LGTBI.

   Rueda pronunciou estas palabras durante a súa intervención na sesión de control da Cámara galega, na que a líder do BNG, Ana Pontón, felicitou a todos os colectivos que "levantaron a bandeira da diversidade e a liberdade para amar".

   "Eu quero dicirlles que van ter sempre ao seu lado a un BNG para traballar por unha Galicia inclusiva e tolerante, na que cada quen poida amar a quen queira", dixo Pontón.

   Na bancada socialista a encargada de formular a pregunta ao presidente da Xunta foi a viceportavoz parlamentaria do PSdeG Begoña Rodríguez Rumbo, tendo en conta que unha incidencia co seu vehículo impediu ao portavoz parlamentario, Luís Álvarez, chegar á cita.

   Na súa intervención, a socialista reprochoulle ao tamén presidente do PP galego vos pactos do PP con Vox. "Están a negar a igualdade ás persoas que teñen diferente orientación sexual e negándolle dereitos que custou moito traballo conseguir. Tírano pola borda porque se someten ás premisas dese partido que non engana a ninguén, vos que amenten son vostedes, porque dicían que estaban de acordo con estes avances e, en canto poden, por ter unha cadeira de brazos, pactan con quen sexa", censurou.