SANTIAGO DE COMPOSTELA, 16 Feb. (EUROPA PRESS) -
A Xunta destacou que, malia a rebaixa do 'rating' de Moody 's, Galicia mantén "o máximo" que lle pode outorgar a axencia, dado que non pode situar a unha comunidade de réxime común por enriba da nota do Estado, e subliñou que "confirma a esta autonomía" entre as mellores valoradas do conxunto de España".
A nota que a axencia de cualificación dá agora a Galicia, 'A3', é "a mesma que ten o Estado" e define "como de boa calidade o investimento crediticio da débeda da comunidade", destacou a Consellería de Facenda nunha nota.
Galicia, continuou, "é un exemplo de compromiso coa senda de consolidación fiscal" e é a comunidade "que máis pasos deu nesa dirección" a aprobar un teito de gasto por lei e unha regra fiscal asociada ao ciclo económica.
É, xunto a Madrid, a única autonomía que cumpriu os obxectivos de estabilidade presupostaria en 2009 e 2010, recordou. Así mesmo, Facenda incidiu en que Galicia mantivo a débeda "por debaixo da media nos dous últimos exercicios" e mantense como "unha autonomía fiable para os mercados". Foi, insistiu, "unha das poucas autonomías" que pechou o programa de endebedamento en 2011.
Andalucía
