SANTIAGO DE COMPOSTELA, 14 Oct. (EUROPA PRESS) -
A Xunta rescatará a través dun investimento de 297 millóns de euros as autovías do Salnés, O Barbanza, Ourense-Celanova e Santiago-Brión, o que permitirá un aforro anual ás contas autonómicas de 30 millóns de euros polo importe que se abonaba ás concesionarias destas infraestruturas en concepto de peaxe en sombra.
A decisión, adoptada no Consello da Xunta deste luns, foi avanzada polo presidente da Xunta, Alfonso Rueda, e debullada posteriormente pola conselleira de Vivenda e Planificación de Infraestruturas, María Martínez Allegue, quen, a preguntas dos xornalistas, non concretou canto se abonará ás concesionarias en indemnizacións.
En total, a recuperación da xestión destas vías de alta capacidade en réxime de concesión permitirá, segundo Rueda, dedicar "a outras materias máis importantes" as contías que cada ano incluían os orzamentos da Xunta en peaxes en sombra, é dicir, en compensacións ás concesionarias por estas autovías sen peaxes para os usuarios.
(HABERÁ AMPLIACIÓN)
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
